20 ნოემბერს, 18:00 საათზე, თბილისის ისტორიის მუზეუმში ფოტოგამოფენა „რეალური სივრცე კონცეპტუალური სივრცე - 90-იანი წლების გერმანული ფოტოგრაფია" გაიხსნება.
გამოფენას წარმოადგენს უცხოეთთთან ურთიერთობის ინსტიტუტი (ifa) და გოეთეს ინსტიტუტი.
აღნიშნული ექსპოზიცია, გამოფენათა სერიის "თანამედროვე გერმანული ფოტოგრაფიის ასპექტები" გაგრძელებაა და წარმოადგენს 90-იანი წლების გერმანელ ფოტოხელოვანებს. გამოფენაში "რეალური სივრცე. კონცეპტუალური სივრცე" სუზანე ბრიუგერის, თომას დემანდის და ჰაიდი შპეკერის სამი განსხვავული მეთოდით შექმნილი ნამუშევრებია გაერთიანებული, რომლებსაც ერთმანეთთან საჯარო სივრცე აკავშირებს.
გამოფენაზე ავტორთა 30-მდე ნამუშევარია წარმოდგენილი. აღსანიშნავია, რომ გამოფენა „რეალური სივრცე. კონცეპტუალური სივრცე" 1998 წლიდან დღემდე, ჯამში, 46 სხვადასხვა ქვეყანასა თუ ქალაქში დიდი წარმატებით იქნა წარმოდგენილი.
გამოფენის ფარგლებში 18-21 ნოემბერს ხელოვანი ჰაიდი შპეკერი სტუდენტებისათვის ჩაატარებს ვორკშოპს.
გამოფენა გაგრძელდება 10 დეკემბრამდე.
მასალის გამოყენების პირობები