17 ნოემბერს, ქობულეთის მუნიციპალიტეტის დაბა ოჩხამურში უფასო სამედიცინო გამოკვლევები ჩატარდა. სამედიცინო მომსახურება 150 პაციენტს გაეწია. მიღება დილის 11:00 საათზე დაიწყო. აქციაში მონაწილეობა ცეცხლაურისა და ჯიხანჯურის მოსახლეობამაც მიიღო.
კონსულტაციები და გამოკვლევები სს "ჩემი ოჯახის კლინიკა"-ბათუმის რეფერალური საავადმყოფოს" წამყვანმა სპეციალისტებმა ჩაატარეს. პედიატრის, ენდოკრინოლოგის, ქირურგის, ტრავმატოლოგის, კარდიოლოგის, გინეკოლოგის, ნევროპათოლოგის, ოტო-რინო-ლარინგოლოგის, თერაპევტის და ოჯახის ექიმის სამედიცინო მომსახურებას მოსახლეობა მთელი დღის განმავლობაში ღებულობდა.
უფასო სამედიცინო გამოკვლევებს აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილე ნონა გალოგრე და ჯანდაცვის დეპარტამენტის უფროსი მანანა ფაღავა დაესწრნენ. აქციას ორგანიზება გაუწია აჭარის დასაქმების სააგენტოს დირექტორმა კობა ნაკაიძემ.
