ქართველმა სპორტსმენმა, საქართველოს ტექნიკური უნივერსიტეტის ორთაბრძოლების კლუბის წევრმა შოთა ლაგვილავამ უკრაინაში გამართულ შეჯიბრებაში წარმატებას მიაღწია.
ჩემპიონატი შერეულ ორთაბრძოლებში პროფესიონალებს შორის 26 ოქტომბერს უკრაინაში, ქ. ხარკოვში ჩატარდა. მასში სტუ-ის ორთაბრძოლების კლუბის სპორტსმენმა შოთა ლაგვილავა (სტუ-ს კლუბის პრეზიდენტი რევაზ ქელდიშვილი) მონაწილეობდა. ლაგვილავამ პირველივე რაუნდში აშკარა უპირატესობით მოიპოვა გამარჯვება (ტექნიკური ნოკაუტი). მოწინააღმდეგე იყო თურქმენეთის წარმომადგენელი ხამ ჰილალა (www.oplotmma.com).
როგორც სტუ-ის კლუბის პრეზიდენტი რევაზ ქელდიშვილი აცხადებს, მომავლში იგეგემება სხვადასხვა ჩემპიონატი, სადაც ტექნიკური უნივერსიტეტის ორთაბრძოლების კლუბის სპორტსმენები დაიცავენ ქვეყნის და უნივერსიტეტის ღირსებას.
