საქართველოს პრემიერ-მინისტრი ბიძინა ივანიშვილი ძიუდოს საერთაშორისო ფედერაციის და სპორტული ორგანიზაცია "სპორტ აკორდის" პრეზიდენტს მარიუს ვიზერს შეხვდა.
მარიუს ვიზერი საქართველოს ოფიციალური ვიზიტით დღეს დილით ეწვია. ვიზიტის ფარგლებში დაგეგმილია 2 ხელშეკრულების გაფორმება საქართველოს სპორტისა და ახალგაზრდობის საქმეთა სამინისტროს, საქართველოს ძიუდოს ფედერაციასა და ძიუდოს საერთაშორისო ფედერაციას შორის. რის მიხედვითაც, თბილისის საერთაშორისო ტურნირს გრან-პრის სტატუსი მიენიჭება. ასევე დაგეგმილია სკოლებში ძიუდოს სწავლების პროექტის ხელშეწყობა და განვითარება.
საქართველოს პრემიერ-მინისტრმა ბიძინა ივანიშვილმა მარიუს ვიზერს ქართული ძიუდოს მხარდაჭერისათვის მადლობა გადაუხადა და იმედი გამოთქვა, რომ სპორტის ეს სახეობა საერთაშორისო არენაზე კიდევ უფრო მეტ წარმატებას მიაღწევს.
მასალის გამოყენების პირობები
