შვეიცარიელმა ექსპერტებმა დაადასტურეს, რომ გარდაცვლილი პალესტინელი ლიდერის იასირ არაფატის ექსჰუმაციის შედეგად აღებულ ნარჩენებში პოლონიუმის მნიშვნელოვანი რაოდენობა აღმოაჩინეს.
თუმცა ამავე დროს მათ განაცხადეს, რომ დაზუსტებით ვერ იტყვიან, რომ სწორედ ოლონიუმი გახდა მისი გარდაცვალების მიზეზი 2004 წელს.
პათოლოგანატომების ანგარიშსი ნათქვამია, რომ არაფატის ნარჩნებში პოლონიუმის რაოდენობა 18 ჯერ აღემატებოდა ნორმას.
თავად არაფატის ქვრივი აცხადებს, რომ მიღებული დასკვნები ადასტურებენ იმას, რომ მისი მეუღლე მოკლეს.
მან განაცხადა, რომ არავის პირდაპირ ბრალდ არ სდება, თუმცა სიცოცხლეში არაფატს ბევრი მტერი ჰყავდა. შვეიცარიელი პათანატომების ანგარიში „ალ ჯაზირამ" გამოაქვეყნა.
არაფატის ავადმყოფობის ისტორიაში ნათქვამია, რომ ის 2004 წელს ინსულტით გარდაიცვალა, რომელიც სისხლის დაავადების მიერ იყო გამოწვეული.
პარალელურად კვლევას ატარებდნენ ფრანგი და რუსი ექსპერტები. რუსმა სპეციალისტებმა პოლონიუმის კვალი საერთოდ ვერ აღმოაჩინეს.
პალესტინელები დარწმუნებულნი არიან, რომ არაფატი მოწამლეს. ისრაელი კი ყოველთვის უარყოფდა პალესტინელი ლიდერის გარდაცვალებასთან რაიმე შესაძლო კავშირს.