რუსი ექსპერტი ვლადიმერ პუტინის მრჩეველი 2000-2005 წლებში ანდრეი ილარიონოვი კითხვაზე პასუხის გაცემისას თუ რა მომავალი ელის რუსეთის პრეზიდენტს ვლადიმერ პუტინს აცხადებს, რომ მხოლოდ ერთის თქმა შეუძლია - „ის რუსეთის ხელმღვანელის თანამდებობაზე მოკვდება".
„ის რუსეთის ხელმძღვანელის თანამდებობაზე მოკვდება. ჩვენ არ ვიცით ეს მოხდება ბუნებრივი მიზეზების ან ძალადობის გამო, მაგრამ მე ეჭვი არ მეპარება იმაში, რომ ის ამ თანამდებობას მხოლოდ ფიზიკური გარდაცვალების მიზეზით შეელება", _ აცხადებს ილარიონოვი.
მისივე თქმით, ის (პუტინი) წავა მეექვსე და მეშვიდე ვადაზეც კი და „შესაძლოა რუსეთმა საერთოდაც შეიცვალოს თავისი ოფიციალური სახელწოდება და სამხრეთ ოსეთთან გაერთიანდეს. მაშინ გაჩნდება ახალი სახელმწიფო, ახალი კონსტიტუციით, რომლითაც მას ექნება უფლება ორი ვადით ზედიზედ იქნეს არჩეული. მოკლედ ის, რომ მას არ დარჩა შანსი მშვიდობიანი გზით წავიდე სპენსიაზე -ეს ფაქტია", _ აცხადებს ილარიონოვი.
