,,ერთიან ნაციონალურ მოძრაობას" ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) წარმომადგენლები ეწვივნენ.
შეხვედრაზე საპარლამენტო უმცირესობის ლიდერმა ყურადღება წინასაარჩევნო პროცესებსა და, ზოგადად, ქვეყანაში მიმდინარე შიდაპოლიტიკურ მოვლენებზე გამახვილდა.
"ჩვენ განვიხილეთ სხვადასხვა მნიშვნელოვანი საკითხი საპრეზიდენტო არჩევნების შეფასების მიზნით. მოგეხსენებათ, არჩევნები მხოლოდ და მხოლოდ არჩევნების დღით არ განისაზღვრება. ძალიან მნიშვნელოვანია წინასაარჩევნი პერიოდი, თუ როგორ მიმდინარეობს წინასაარჩევნო კამპანია, რა პირობები არსებობს იმისთვის, რომ ოპოზიციურმა პარტიებმა აწარმოონ თავიანთი კამპანია. მოგეხსენებათ, დაფიქსირდა არაერთი პრობლემა, კერძოდ, მთავარი პოლიტიკური ოპონენტების დევნა და შევიწროება. ყოველივე ეს ერთობლიობაში განსაზღვრავს საარჩევნო პროცესის ხარისხს. თუ მსგავსი რამ განმეორდება ადგილობრივი თვითმმართველობის არჩევნების დროს ეს ნეგატიურად აისახება ვილნიუსის სამიტის გადაწყვეტილებებზე. მოგეხსენებათ, ვილნიუსის სამიტზე ახლა ასოცირების ხელშეკრულების პარაფირება ხდება და იმისთვის, რომ იგი რეალურად ამოქმედდეს და შევიდეს ძალაში საჭიროა შეწყდეს პოლიტიკური ოპონეტების დევნა და ჩატარდეს ნორმალური არჩევნები", - აღნიშნა ნაციონალური მოძრაობის" წევრმა თინათინ ბოკუჩავამ.