არჩეული პრეზიდენტის გიორგი მარგველაშვილის ადმინისტრაციის საგარეო პოლიტიკურ მიმართულებას საპარლამენტო უმცირესობის წევრის, მიხეილ მაჭავარიანის ძმა გაუძღვება.
მარგველაშვილის განცხადებით, ვანო მაჭავარიანი GIPA-ს პროფესორია და იგი მას გასული თვეების განმავლობაში წინასაარჩევნო კამპანიის სწორად წარმართვაში ეხმარებოდა.
"ვანო იყო ჩემი მრჩეველი თვითონ საარჩევნო პროცესის დროს. ის არის GIPA-ს პროფესორი და პროფესიონალთა ჯგუფთან ერთად საარჩევნო კამპანიის დროს მაძლევდა რჩევებს, რომლებიც ჩემთვის უაღრესად მნიშვნელოვანი იყო. ახლა ვანო აგრძელებს ამ მუშაობას, რადგან ამ ეტაპზე არავინ თანამდებობებზე არ ვართ და მომალვალში ბუნებრივია, ვანო წაიყვანს იმ მიმართულებას, რომელსაც ის კურირებდა მანამდეც. ეს არის საგარეო პოლიტიკა,"- განაცხადა გიორგი მარგველაშვილმა.