არჩეული პრეზიდენტის, გიორგი მარგველაშვილის განცხადებით, ახალ საკონსტიტუციო რეალობაში ხელისუფლება ეროვნული უშიშროების საბჭოს ფუნქციების პრეზიდენტსა და მთავრობას შორის გადანაწილებაზე მუშაობს.
მარგველაშვილის თქმით, აუცილებელია, ეფექტურად იმუშაოს იმ სტრუქტურამ, რომელიც აქამდე თავიდან ბოლომდე პრეზიდენტის დაქვემდებარების ქვეშ იყო.
"ერთის მხრივ, ახალ საკონსტიტუციო რეალობაში კრიზისული სიტუაციების ოპერატიული მართვა სწორედაც რომ მთავრობისა და მთავრობის თავმჯდომარის, პრემიერ-მინისტრის კომპეტენციაა. მეორე მხრივ, არსებობს კრიზისის პოლიტიკური მართვის კომპონენტიც, სადაც კონსტიტუციის მიხედვით, გარკვეული კომპეტენციები პრეზიდენტს გააჩნია. შესაბამისად, ჩვენ ამ რეალობიდან გამომდინარე ვმუშაობთ იმასთან დაკავშირებით, როგორ ეფექტურად ვამუშაოთ ის სტრუქტურა, რაც იყო თავიდან ბოლომდე პრეზიდენტის ქვეშ,"- განაცხადა გიორგი მარგველაშვილმა.