რას ერჩოდნენ იმ ძალიან კარგ პროექტს, თითქმის დასრულებულს, რომელიც ბათუმში კეთდებოდა?!,- ამის შესახებ პრეზიდენტის ადმინისტრაციის უფროსმა ავლაბრის რეზიდენციის სამომავლო ფუნქციების და აღნიშნულ შენობაში ქართულ-ამერიკული უნივერსიტეტის განთავსების საკითხის კომენტირებისას ისაუბრა.
ანდრო ბარნოვის თქმით, იგი ფიქრობს, საზოგადოებას ძალიან მალე მოსწყინდება უაზრო თამაში, კინკლაობა და უბრალოდ ყველა ერთად მოითხოვს მთავრობისგან, რომ "ბოლობოლო რამენაირად გაგვაგებინონ რა უნდათ".
"ეს იქნება ტექნოლოგიური უნივერსიტეტის საკითხი თუ სხვა მრავალი ისეთი საკითხი, სადაც არავის არანაირი წარმოდგენა არ აქვთ რა უნდა გააკეთონ. მარტო იმიტომ რომ "ნაციონალური მოძრაობის" და მიხეილ სააკაშვილის დანატოვარისგან მაქსიმალური დისტანცირება გააკეთონ, იგონებენ ათასგვარ აბსურდს, რომ რაღაცნაირად გაამართლონ თავიანთი სრულიად გაუგებარი ნაბიჯები და გადაწყვეტილებები,"- განაცხადა ანდრო ბარნოვმა.
დღეს გავრცელებული ინფორმაციის თანახმად, ავლაბრის რეზიდენციაში ქართულ-ამერიკული უნივერსიტეტი განთავსდება.