შენობაში, რომელიც პრინციპში მოპარული ფულითაა აშენებული, ასეთ შენობაში ქვეყნის პრეზიდენტი არ უნდა იჯდეს,- ამის შესახებ საპარლამენტო უმრავლესობის წევრმა თინა ხიდაშელმა ავლაბრის საპრეზიდენტო რეზიდენციის სამომავლო ფუნქციების საკითხის კომენტირებისას ისაუბრა.
ხიდაშელი თვლის, რომ რადგან ავლაბრის რეზიდენცია ხალხისგან მოპარული ფულით არის აშენებული, ის ხალხს უნდა დაუბრნდეს და ისეთი რამისთვის უნდა იყოს გამოყენებული, რაც საზოგადოებრივ სიკეთეს ემსახურება.
"სწორედ ამიტომ გადაწყდა, რომ იქ უნივერსიტეტი განთავსდება. ასევე იცით, რომ ამ შენობას რამდნეიმე მიხეილ სააკაშვილისთვის დამახასიათებელი სადემონსტრაციო შოურუმის მოსაწყობი დარბაზები აქვს და ახლა მიმდინარეობს მსჯელობა იმაზე, ეს ნაწილი რისთვის იყოს გამოყენებული. ვფიქრობთ, რომ გარდა იმისა, რომ იქ უნივერსიტეტი იქნება, შეიძლება მას კიდევ უფრო მეტი კულტურულ-ისტორიული დატვირთვა ჰქონდეს,"- განაცხადა თინა ხიდაშელმა.