"პირველ რიგში, მინდა მადლობა გადავუხადო ბიძინა ივანიშვილს - დიდი მადლობა, ბატონო ბიძინა, ნდობისათვის, რომ ვემსახურო ჩემს ქვეყანას თქვენთან ერთად"- აღნიშნული სიტყვებით პრემიერ-მინისტრობის კანდიდატმა ქვეყნის ამჟამინდელ პრემიერ-მინისტრს, მისი წარდგენისას მიმართა.
ირაკლი ღარიბაშვილის განმარტებით, „ეს იყო დიდი ბედნიერება ჩემთვის, ეს იყო დიდი ნდობა და მე ვპირდები მოსახლეობას, კოალიციას, გპირდებით თქვენ და მთავრობას, რომ გავაკეთებ ყველაფერს იმისათვის, რომ თქვენს მიერ დაწყებული გზა გავაგრძელო".
