საქართველოს უმაღლესი საკანონდებლო ორგანოს საპროცედურო საკითხთა და წესების კომიტეტის თავმჯდომარის ირინა იმერლიშვილის განცხადებით, მან ნამდვილად მიიღო შეთავაზება მუშაობა გააგრძელოს ეროვნული უშიშროების საბჭოს მდივნის პოსტზე და აღნიშნულთან დაკავშირებით თანხმობაც განაცხადა.
იმერლიშვილის თქმით, ახალ პოსტზე მისი გადასვლის შემდეგ, უშიშროების საბჭო თვისობრივად განსხვავებულ სტრუქტურად გარდაიქმნება და ახლებურად დაკომპლექტებული გააგრძელებს მუშაობას.
"ეს იქნება თვისობრივად სხვანაირი უშიშროების საბჭო, ვიდრე აქამდე გვყავდა. ისევე, როგორც გვეყოლება თვისობრივად სხვანაირი პრეზიდენტი, ვინაიდან ახალი კონსტიტუცია შევა ძალაში. მისაღებია კანონი უშიშროების საბჭოს შესახებ და პირველ რიგში ზუსტად ამ ცვლილებებზე იქნება მუშაობა და შემეგ უკვე უშიშროების საბჭოს ახლებურად ფორმირებას გავაგრძელებთ და მუშაობასაც,"- განაცახდა ირინა იმერლიშვილმა.