საქართველოს პარლამენტში კონსტიტუციაში შესატან ცვლილებებზე მსჯელობა კამათის ფონზე წარიმართა. კონსტიტუციაში ცვლილელებების შესატანად ქვორუმის დაწევის და პარლამენტის დედაქალაქში გადმოტანის საკითხის განხილვისას ახალგაზრდა იუსრისტთა ასოციაციის წევრსა და იურიდიულ საკითხთა კომიტეტის თავმჯდომარეს ვახტანგ ხმალაძეს შორის შეკამათება მოხდა.
საია-ს წარმომადგენელი კონსტიტუციაში შესატანი ცვლილებებისთვის საჭირო ქვორუმის 3/4 -დან 2/3 -მდე შემცირებას არ ეთანხმება და მიიჩნევს, რომ ქვორუმის დაწევა პრეზიდენტის ვეტოსთან მიმართებაშიც არაა რეკომენდირებული.
"პრაქტიკულად, ერთი პარტიისთვის არანაირ პრობლემას არ წარმოადგენს საპარლამენტი მანდატის 2/3-ის კონტროლი, ამიტომ თუკი ქვორუმი ¾ იქნებოდა, ამ შემთხვევაში სწორედ ამ კონსტიტუციური ცვლილების მაღალ ლეგიტიმაციას მივაღწევდით და პრეზიდენსტის ვეტოსთან მიმართებაშიც ვიზიარებთ იგივეს,"- განაცხადა საია-ს წარმომადგენელმა.
პარლამენტის იურიდიულ საკითხთა კომიტეტის თავმჯდომარე კი, მიიჩნევს, რომ კონსტიტუციაში ცვლილებების შეტანის პროცედურასთან დაკავშირებით მომზადებული კანონპროექტი პარლამენტის მიერ 2010 წლის ოქტომბერში მიღებულ ცვლილებების შეტანის მექანიზმის დაბრუნებას ითვალისწინებს.
"გავითვალისწინეთ როგორც საყოველთაო სახლახო განხილვის, ასევე ვენეციის კომისიის მოსაზრებები ცვლილებების პროცედურასთან დაკავშირებით და ეს ვარიანტი ითვალისწინებს ცვლილებების შეტანის იმ მექანიზმის დაბრუნებას, რომელიც პარლამენტის მიერ მიღებული იყო 2010 წლის ოქტომბერში. ჩემთვის სამწუხაროა, რომ ახლაგაზრდა იურისტთა ასოციაციას აქვს ასეთი განსაკუთრებული აზრი, რომელიც განსხვავდება მთელს მსოფლიოში არსებული მიდგომებისაგან ამ საკითხში და ის ემთხვევა "ნაციონალური მოძრაობის" პოზიციას,"- განაცხადა ვახტანგ ხმალაძემ.
