საქართველოს ახლადარჩეული პრეზიდენტი გიორგი მარგველაშვილი აცხადებს, რომ საქართველოში შეიმქნება ისეთი საზოგადოება, რომ აფხაზები და ოსები თავად მოისურვებენ საქართველოში ცხოვრებას. განცხადება ამის შესახებ მარგველაშვილმა „ბი-ბი-სის" რუსული სამსახურისათვის მიცემულ ინტერვიუში გააკეთა კითხვაზე პასუხის გაცემისას თუ როგორია მისი პოზიცია აფხაზეთთან და ე.წ. სამხრეთ ოსეთთან მიმართებაში.
„ეს საკითხები რა თქმა უნდა წყდება მხოლოდ იმ ფორმატმა სადაც რუსი დიპლომატები ქართველ კოლეგებთან და ჩვენს კოლეგებთან ერთად გააცნობიერებენ შექმნილი სირუაციის პრობლემატურობას.
ამასთან ერთად, ეს საკითხები წყდება იმ მოსახლეობასთან დიალოგის გზით, რომლებიც აფხაზეთისა და ცხინვალის რეგიონის ტერიტორიაზე დარჩა", _ აცხადებს მარგველაშვილი.
მისივე თქმით, საქართველოს ამ პრობლემების მიმარ რაციონალური მიდგომა აქვს და ის რამდენიმე პუქნტისაგან შედგება.
„უპირველეს ყოვლისა, ჩვენ გავაგრძელებთ მუშაობას ჩვენს პარტნიორებთან ერთად ამ ტერიტორიების აუღიარებლობის ხაზით. ეს XX საუკუნის კონცეფციის მიხედვით ხდება, რომლის მიხედვითაც პატარა ქვეყნები დაცული უნდა იყვნენ, ხოლო მათი ტერიტორიული მთლიანობა - აღიარებული მთელი მსოფლიოს მიერ", _ აცხადებს მარგველაშვილი და აღნიშნავს, რომ ერთის მხრივ ეს არის ის, რისი გაკეთებაც იგემება.
„მეორეს მხრივ კი როგორც უკვე ვთქვი ვეცდებით შევამციროთ ტემპერატურა და დავასტაბილუროთ ის ნეგატიური ფონი , რომელიც არსებობს მოსკოვთან.
ამასთან ერთად, ჩვენ შევქმნით ისეთ საზოგადოებას საქართველოში, სადაც ნებისმიერი ეთნიკური ჯგუფის, ნებისნიერი მოქალაქის იქნება არამხოლოდ გარანტირებული კონსტიტუციით, არამედ ეს ხილული იქნება პრაქტიკაშიც.
ჩვენ შევქმნით საზოგადოებას, სადაც ჩვენი აფხაზი და ოსი ეროვნების მოქალაქეები მოინდმებენ ცხოვრებას",_ განაცხადა საქართველოს ახლადარჩეულმა პრეზიდენტმა.