შს მინისტრის ირაკლი ღარიბაშვილის განცხადებით, ისრაელთან სავიზო მიმოსვლის გაუქმება ისტორიული გადაწყვეტილებაა. როგორც ისრაელის საგარეო საქმეთა მინისტრის მოადგილე ზეევ ელკინთან შეხვედრის შემდეგ ღარიბაშვილმა განაცხადა ისრაელის სახელმწიფოს მხრიდან ეს უდიდესი ნდობის გამოცხადებაა.
,,ეს გადაწყვეტილება არის ნამდვილად ისტორიული. მე აღვნიშნე შეხვედრისას, რომ ეს არის უდიდესი ნდობის გამოცხადება პირველ რიგში ჩვენი მთავრობის მიმართ, მთავრობის მეთაურის მიმართ, ბატონი ბიძინა ივანიშვილის მიმართ ისრაელის სახელმწიფოს მხრიდან. ეს არის უდიდესი ნდობის გამოცხადება ქართველი ხალხის მიმართ. ასე რომ, ეს არის კიდევ ერთი წინ გადადგმული ნაბიjი ჩვენი ურთიერთობების გაღრმავებისა და გაძლიერების", - განაცხადა ღარიბაშვილმა.
