რუსეთის საგარეო საქმეთა სამინისტრო ჟენევის საერთაშორისო მოლაპარაკებების მორიგ რაუნდთან დაკავშირებით განცხადებას ავრცელებს, რომელშიც იუწყება, რომ მიმდინარე წლის 5-6 ნოემბერს დაგეგმილ ჟენევის საერთაშორისო მოლაპარაკებების რაუნდს დიდი მნიშვნელობა ენიჭება საქართველოში ჩატარებული საპრეზიდენტო არჩევნების შემდეგ.
„საქართველოში 27 ოქტომბერს ჩატარებული საპრეზიდენტო არჩევნების გათვალისწინებით, დაგეგმილ კონსულტაციებს განსაკუთრებული მნიშვნელობა ენიჭებათ ჟენევის პროცესის მომავლის განსაზღვრისათვის.
მიმდინარე წლის სექტემბერ-ოქტომბერში თბილისის მიერ აგორებული ხმაურიანი პროპაგანდისტური კამპანია საქართველოსა და რეაპუბლიკა სამხრეთ ოსეთის სახელმწიფო საზღვარზე დამაფიქრებელი იყო თბილისის რეალურ მიზნებზე ჟენევის შეხვედრებზე", _ ნათქვამია განცხადებაში.
რუსეთის საგარეო საქმეთა სამინისტროს ინფორმაციით, მოლაპარაკებების დღის წესრიგის პრიორიტეტული მიმართულებად კვლავ „საქართველოსა და სამხრეთ ოსეთისა და აფხაზეთის რესპუბლიკებს შორის" ძალის გამოუყენებლობის შესახებ შეთანხმების გაფორმება რჩება.
„ამასთან დაკავშირებით რუსული დელეგაცია ამ საკითხთან დაკავშირებით, კვლავ აპირებს მონაწილეთა ყურადღების მიპყრობას მის მიერ 2012 წელს წარმოდგენილ პროექტზე ძალის გამოუყენებლობასთან დაკავშირებით, რომლის მიღებაც ხელს შეუწყობდა სოხუმის, თბილისისა და ცხინვალის პოზიციების დაახლოებას და წინ წაწევას მრავალწლიანი ადგილზე ტკეპვნის ნაცვლად", _ ნათქვამია რუსეთის საგარეო საქმეთა სამინისტროს განცხადებაში და იქვე აღნიშნულია, რომ რუსული მხარე „ჩატარებულ ბოლო რაუნდებზე წარმოქმნილ პრობლემებთან დაკავშირებით, რომლებიც ჟენევის შეხვედრების სტრუქტურირებას ეხება აპირებს ჩაატაროს სერიოზული საუბარი, ყველასათვის მისაღებ შეხვედრების ჩატარების პარამეტრებთან დაკავშირებით".
