ისრაელთან სავიზო რეჟიმი გაუქმდა. ამის შესახებ ჟურნალისტებთან პრემიერ-მინისტრმა ბიძინა ივანიშვილმა, ისრაელის საგარეო საქმეთა მინისტრის მოადგილე ზეევ ელკინთან შეხვედრის შემდეგ განაცხადა.
,,გახსოვთ, რომ მე ყველაზე წარმატებული ვიზიტი მქონდა ისრაელში. ჩემი თხოვნით ჩავედი და თუ გახსოვთ, სავიზო რეჟიმის გაუქმება ვითხოვე. დღეს შემიძლია, მოგილოცოთ, რომ ისრაელმა ასეც გააკეთა და ასეთი საჩუქარი ჩამოგვიტანეს სტუმრებმა. სავიზო რეჟიმი გაუქმებულია და ქართველებს შეუძლიათ, უვიზოდ ჩავიდნენ ისრაელში~, - განაცხადა ივანიშვილმა.
ისრაელის საგარეო საქმეთა მინისტრის მოადგილის ზეევ ელკინის განმარტებით, კი საქართველოს შს მინისტრთან ირაკლი ღარიბაშვილთან შეხვედრისას, საქართველოსა და ისრაელს შორის უვიზო მიმოსვლასთან დაკავშირებით დეტალები უფრო დაზუსტდება.