საქართველოს პრემიერ-მინისტრის ბიძინა ივანიშვილის განცხადებით 2014 წელი ქართველი და ებრაელი ხალხების მეგობრობის საიუბილეო წლად გამოცხადდება. როგორც ივანიშვილმა ისრაელის სახელმწიფოს საგარეო საქმეთა სამინისტროს რეგიონულ ამბასადორიალზე სიტყვით გამოსვლისას განაცხადა მისთვის განვლილი ერთი წლის განმავლობაში პრიორიტეტული იყო ორ ქვეყანას შორის ურთიერთობის გაღრმავება.
,,ჩვენ გადავწყვიტეთ,რომ 2014 წელი გამოვაცხადოთ ქართველი და ებრაელი ხალხების ოცდაექვს საუკუნოვანი მეგობრობის საიუბილეო წლად, რომლის ფარგლებშიც საქართველოში,ისრაელსა და სხვაქვეყნებში გაიმართება სხვადასხვა ღონისძიებები.ჩემთვის, როგორცპრემიერ-მინისტრისთვის, ამ ერთი წლის განმავლობაში პრიორიტეტული იყო საქართველოსა და ისრაელს შორის სახელმწიფოთაშორისი ურთიერთობების განვითარება და გაღრმავება. ვფიქრობ, ამ ხნის განმავლობაში თვისებრივად ახალი ეტაპი დაიწყო ჩვენს ორმხრივ ურთიერთობაში. მიმდინარე წლის ივნისში, ისრაელში ჩემი ოფიციალური ვიზიტის ფარგლებში, მივიღეთ მნიშვნელოვანი გადაწყვეტილებები და ახლა აქტიურად ვმუშაობთ მათ განსახორციელებლად", _განაცხადა ივანიშვილმა.
