საქართველოს არჩეულ პრეზიდენტსა და ისრაელის პრემიერ-მინისტრ ბენიამინ ნეთანიაჰუს შორის პირველი სატელეფონო საუბარი შედგა.
ისრაელის პრემიერ-მინისტრმა გიორგი მარგველაშვილს არჩევნებში გამარჯვება მიულოცა. ამის შესახებ ინფორმაციას მარგველაშვილი სოციალურ ქსელში ავრცელებს.
სატელეფონო საუბრისას აღინიშნა, რომ ორ ქვეყანას შორის მრავალსაუკუნოვანი ურთიერთობა სახელმწიფო დონეზე კიდევ უფრო გაღრმავდება.
არჩეულმა პრეზიდენტმა და ისრაელის პრემიერ-მინისტრმა საქართველო-ისრაელს შორის ტურიზმის, ვაჭრობისა და ბიზნესის სფეროში თანამშრომლობის გაღრმავებაზეც ისაუბრეს.
საუბრის დასასრულს საქარველოს არჩეულმა პრეზიდენტმა პრემიერ-მინისტრ ბენიამინ ნეთანიაჰუსგან ისრაელში მიწვევა მიიღო. რაზეც გიორგი მარგველაშვილმა მადლობა გადაუხადა და მზაობა გამოთქვა აღნიშნული ვიზიტი უახლოეს მომავალში შედგეს.