დღეს, 31 ოქტომბერს, ვილნიუსის სამიტზე გასამგზავრებელი დელეგაციის შემადგენლობა ორშაბათს გახდება ცნობილი. ამის შესახებ საგარეო საქმეთა მინისტრმა მაია ფანჯიკიძემ განაცხადა. მისივე თქმით, დელეგაციის შემადგენლობა მკაცრად განსაზღვრულია. მისივე განმარტებით, დელეგაციის შემადგენლობაში არ იქნებიან ყოფილი ხელისუფლების წარმომადგენლები.
„დელეგაციის შემადგენლობაში არ იქნებიან წინა ხელისუფლების წარმომადგენლები რადგან ისინი უკვე ხელისუფლებაში აღარ არიან და დღეს არ გვაქვს იმის ფუფუნება, რომ არახელისყფლებაში მყოფი ხალხი წავიყვანოთ ვილნიუსში",_ განაცხადა მინისტრმა.
„ვილნიუსიდან მიღებული მოწვევა, რომელიც არის საქართველოს სახელზე გულისხმობს 1+2+5 ფორმატს. ასეთია დელეგაციის შემადგენლობა. ერთი ეს არის სახელმწიფოს მეთაური, რომელიც იქნება დელეგაციის ხელმძღვანელი და ვინც წარადგენს ქვეყანას ვილნიუსის სამიტზე და უკვე ცნობილია, რომ ეს იქნება საქართველოს ახალი პრეზიდენტი გიორგი მარგველაშვილი. ორი ეს არის მინისტრები, ხოლო ხუთი - დელეგაციის შემადგენლობა. ორი ფორმატი ნიშნავს, რომ სახელმწიფოს მეთაურს შეუძლია ჰყავდეს ორი მინისტრი დელეგაციის შემადგენლობაში, რომლებიც ყველა მაღალი დონის გამართულ შეხვედრას დაესწრებიან. თუ ფორმატი გულისხმობს იმას, რომ ხუთი ადამიანი იქნება დელეგაციის შემადგენლობაში, რომლებიც იქნებიან სპეციალურდა შექმნილ დარბაზში სადაც იქნება ტრანსლირება თუ რა მოხდება ცენტრალურ დარბაზში. ეს არის მკაცრი შეზღუდვა რასაკვირველია ყველა ადამიანს აქვს უფლება ტურისტული ან სხვა მიზეზით ეწვიოს ვილნიუსს და შეიგრძნოს მისი სურვილი",_ განაცხადა მაია ფანჯიკიძემ.
