მთავრობის დღევანდელ სხდომაზე მინისტრთა კაბინეტის წევრებმა დევნილთა შესახებ"' ახალი კანონპროექტი დაამტკიცეს. როგორც მთავრობის სხდომის დასრულების შემდეგ ოკუპირებულ ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ განაცხადა ახალი კანონპროექტი დევნილთა უფლებების თანამედროვე სტანდარტებთან მიახლოებას გულისხმობს.
მისივე განმარტებით, კანონპროექტის მიხედვით გაიზრდება დევნილთა შემწეობები.
,,მთავრობამ დღეს განიხილა და მოიწონა ახალი კანონპროექტი ,,დევნილთა შესახებ" და იგი ითვალისწინებს დევნილთა უფლებების გაზრდას თანამედროვე სტანდარტების შესაბამისად. განხილულ საკითხებს შორის ერთ-ერთი მნიშვნელოვანია საკითხია დევნილებისთვის შემწეობების გაზრდა 45-ლარამდე. კიდევ ერთი საკითხი, რომელიც დღეს განიხილეთ დევნილებისათვის საცხოვრებელი სახლების გადაცემას ეხება. 414 დევნილ ოჯახს სიმბოლურ ფასად 1 ლარად საკუთრებაში გადაეცემათ ბინები. ასევე 25 000-მდე დევნილ ოჯახს რომელთაც სოციალური რეიტინგი 70 000 ქულაზე ნაკლებია გადაეცემათ 200-ლარიანი ვაუჩერი, რომელსაც ბუნებრივი არისა და ელექტროენერგის საფასურის გადასახდელად გამოიყენებენ", _განაცხადა დარახველიძემ.
დარახველიძეს განმარტებით, გაზრდილ დახმარებას 45 ლარს მიიღებს ის დევნილი, ვინც სავალდებულო რეგისტრაციას გაივლის, ხოლო შემწეობას ვერ მიიღებს ის დევნილი, რომელსაც მაღალანაზღაურებადი სამუშაო აქვს, კერძოდ, მისი ხელფასი შეადგენს 1 250 ლარს.