"ხალხის პარტიის" ლიდერი კობა დავითაშვილი აქტიურ პოლიტიკურ მოღვაწეობას წყვეტს, თუმცა დეპუტატის მანდატზე უარის თქმას არ აპირებს.
როგორც დავითაშვილმა დღეს გამართულ საგანგებო პრესკონფერენციაზე აღნიშნა, პარლამენტის წევრობით გამომუშავებული ყოველთვიური ანაზღაურება მისი ოჯახის შემოსავლის ერთადერთი წყაროა, ამიტომ იგი ქვეყნის უმაღლესი საკანონმდებლო ორგანოს წევრად მომდევნო საპარლამეტნო არჩევნებამდე დარჩება.
ამასთან, დავითაშვილი მიიჩნევს, რომ "ხალხის პარტიის" ფუნქციონირებას აზრი არ აქვს, რადგან ბოლო არჩევნებმა აჩვენა, რომ აღნიშნულ პოლიტიკურ ძალას საზოგადოების დაბალი მხარდაჭერა აქვს.
"შედეგი დადგა, ეს შედგები ძალიან ცხადია, გასამართლებელი საფუძველი ამ შედეგს არ აქვს და ამიტომ მე ვტოვებ ქართულ პოლიტიკას. გემშვიდობებით, გამოსამშვიდობებელი განცხადებაა, ეს მინდოდა მეთქვა. ეს ნიშნავს, რომ არც ერთ არჩევნებში კენჭისყრაში მონაწილეობის მიღებას არ ვაპირებ და ასევეა რაიმე სახის პოლიტიკურ გადაცემებში ან ინტერვიუებში მონაწილეობა. რაც შეეხება პარლამენტის წევრობას, აბსოლუტურად ლოგიკური იქნებოდა ისიც დამეტოვებინა, მაგრამ სამწუხაროდ დღეს ჩემი დეპუტატის ხელფასი ჩემი ოჯახის ერთადერთ შემოსავალს წარმოადგენს, ამიტომ მას ვერ დავტოვებ,"- განაცხადა კობა დავითაშვილმა.
ჯერ-ჯერობით უცნობია გაარგრძელებს თუ არა "ხალხის პარტია" მომავალში მუშაობას. კობა დავითაშვილის განცხადებით, პარტიის ბედს მისი სხვა ლიდერები გადაწყვეტენ.
