17 ნოემბერს, პრეზიდენტის ინაუგურაციაზე სამხედრო კომპონენტიც იქნება გამოყენებული. როგორც დღეს თავდაცვის მინისტრმა ირაკლი ალასანიამ განაცხადა, თუ რა მასშტაბით იქნება ინაუგურაციაზე სამხედრო კომპონენტი ამას სამთავრობო კომისია გადაწყვეტს.
„სამხედრო კომპონენტი აუცილებლად იქნება ინაუგურაციის დღეს, თუმცა მის მასშტაბურობას კომისია გადაწყვეტს"- განაცხადა ალასანიამ.
შეგახსენებთ, რომ პრეზიდენტის ინაუგურაციასთან დაკავშირებით შექმნილ სამთავრობო კომისიას პრემიერ-მინისტრი უხელმძღვანელებს.
,,ინაუგურაციასთან დაკავშირებით შეიქმნა სამთავრობო კომისა რომლის თავმჯდომარე იქნება პრემიერ-მინისტრი ივანიშვილი, ხოლო მე ვარ მისი მოადგილე. კომისიის პირველი სხდომა საგარეო საქმეთა სამინისტროში 16:00 საათზე ჩატარდება. მას დაესწრებიან თავდაცვის, შინაგან საქმეთა, ფინანსთა, კულტურის, რეგიონული, სპორტისა და ახალგაზრდობის სამინისტროების წარმომადგენლები და ვიმსჯელებთ და გავაკეთებთ ინაუგურაციის პირველ მონახაზს, თუ როგორი უნდა იყოს იგი, _განაცხადა საგარეო საქმეთა მინისტრმა მაია ფანჯიკიძემ.