პრეზიდენტის ინაუგურაციასთან დაკავშირებით შექმნილ სამთავრობო კომისიას პრემიერ-მინისტრი უხელმძღვანელებს. როგორც მთავრობის სხდომის დასრულების შემდეგ საგარეო საქმეთა მინისტრმა მაია ფანჯიკიძემ განაცხადა კომისიის პირველი სხდომა საგარეო უწყებაში დღეს, 16:00 საათზე გაიმარტება.
მისივე განმარტებით, კომისიის სხდომის დასრულების შემდეგ ინაუგურაციაზე დასასწრებად უცხოელი სტუმრებისთვის მოსაწვევებს დააგზავნიან.
,,ინაუგურაციასთან დაკავშირებით შეიქმნა სამთავრობო კომისა რომლის თავმჯდომარე იქნება პრემიერ-მინისტრი ივანიშვილი, ხოლო მე ვარ მისი მოადგილე. კომისიის პირველი სხდომა საგარეო საქმეთა სამინისტროში 16:00 საათზე ჩატარდება. მას დაესწრებიან თავდაცვის, შინაგან საქმეთა, ფინანსთა, კულტურის, რეგიონული, სპორტისა და ახალგაზრდობის სამინისტროების წარმომადგენლები და ვიმსჯელებთ და გავაკეთებთ ინაუგურაციის პირველ მონახაზს, თუ როგორი უნდა იყოს იგი, _განაცხადა ფანჯიკიძემ.