პარლამენტის დღევანდელ ბიუროს სხდომაზე დეპუტატებმა საკანონმდებლო ორგანოს ახალი ლოგო დაამტკიცეს. ამ ეტაპზე არსებულ ლოგოზე დეპუტატ მანანა კობახიძის თქმით, ქუთაისში მდებარე პარლამენტის შენობა იყო გამოსახული.
„დავამტკიცეთ ლოგო, რომელზედაც გამოსახულია რუსთაველის ქუჩაზე არსებული შენობა. ქვეყნის გარეთ. სადაც კი ვარ ნამყოფი ყველა ქვეყნის პარლამენტის ლოგო არის შენობა"- ამბობს მანანა კობახიძე.
უმცირესობის ერთმა დეპუტატმა გია თევდორაძემ ბიუროს სხდომა საკითხის განხილვისას პროტესტის ნიშნად დატოვა. უმცირესობის ერთ-ერთი წევრი ლევან ბეჟაშვილი კი მიიჩნევს, რომ ლოგოს ამჟამად დამტკიცება კანონსა და კანონმდებლობას ეწინააღმდეგება. „რადგან კონსტიტუცია ამბობს, რომ პარლამენტის ადგილსამყოფელი არის ქუთაისი," - ამბობს ბეჟაშვილი.