ვილნიუსში მივდივართ წარმატებული არჩევნებით და ასოცირების შესახებ შეთანხმებაც ხელმოწერილი იქნება - ამის შესახებ განცხადება კოალიცია "ქართული ოცნებების" ერთ-ერთმა ლიდერმა, დეპუტატმა ზვიად ძიძიგურმა "პრაიმტაიმის" პრესკლუბში დღევანდელ პრესკონფერენციაზე გააკეთა.
"ჩვენ ველოდით ასეთ შედეგებს არჩევნებში, ეს იყო დემოკრატიული , კარუსელების და გაყალბებული პირადობების მოწმობების გარეშე ჩატარებული არჩევნები რაც მისასალმებელია. ხელისუფლებამ არ შეიძლება წინა მთავრობის მახინჯი ტენდენციები გაიმეოროს. ჩვენ კოალიციის წარმომადგენლები ვაცხადებდით რომ 60%-ზე მეტს აიღებდა გიორგი მარგველაშვილი, რადგანაც ჩვენ კარგად ვიცით ჩვენი მხარდაჭერა საზოგადოების მხრიდან. ეს იყო არჩევნები როდესაც პოლიცია იყო თავისუფალი და მთელი მედია იყო არაპოლარიზებული", - აცხადებს ძიძიგური.
