საგარეო საქმეთა მინისტრის მაია ფანჯიკიძის განმარტებით, პრეზიდენტის წლევანდელი ინაუგურაცია არ იქნება ისეთი პომპეზური როგორიც ადრე გვინახავს.
როგორც ფანჯიკიძემ ჟურნალისტებთან განმარტა, ჯერჯერობით არ არის გაგზავნილი მოსაწვევები ინაუგურაციისათვის. მისივე განმარტებით, აღნიშნულ საკითხზე გადაწყვეტილებას სპეციალური კომისია მიიღებს, რომელიც უახლოეს დღეებში შეიკრიბება.
საგარეო საქმეთა მინისტრის განმარტებით, პრეზიდენტის ინაუგურაცია სავარაუდოდ თბილისში, პარლამენტის ყოფილ შენობასთან გაიმართება.
„თავად ინაუგურაციას რაც შეეხება, თუ არ ვცდები ის პარლამენტის წინ უნდა შედგეს, რადგან არსებობს შესაბამისი ბრძანებულება, რომელიც მოქმედია თუ იგი არ შეიცვალა. იგი აბსოლუტურად ზუსტად ასახავს იმ სცენარს რომლითაც უნდა მოხდეს პრეზიდენტის ინაუგურაცია. დადგენილებაში რომელიც 2001 წელს არის მიღებული და რომელშიც ცვლილებები 2003 წელს განხორციელდა მითითებულია თბილისი. მაშინ ქუთაისში არ არსებობდა პარლამენტი და მას შემდეგ დადგენილებაში ცვლილება შესული არ ყოფილა.
თუ ამ დადგენილებას გავყვებით, მაშინ პრეზიდენტის ინაუგურაცია უნდა მოხდეს თბილისში პარლამენტის ყოფილ შენობასთან", _ განაცხადა მინისრმა.