საქართველოში ჩატარებული საპრეზიდენტო არჩევნები გამჭვირვალე და კარგად ორგანიზებული იყო. განცხადება ამის შესახებ აშშ-ს სახელმწიფო დეპარტამენტის წარმომადგენელმა ჯენ პსაკიმ ჟურნალისტებთან საუბრისას გააკეთა.
„აშშ ულოცავს საქართველოს მოქალაქეებს საპრეზიდენტო არჩევნების ჩატარებას. ეს ისტორიული დღეა და მნიშვნელოვანი ნაბიჯია საქართველოს დემოკარტიული განვითარების გზაზე და ევროატლანტიკურ სტრუქტურებთან მისი დაახლოების გზაზე.
ეს არჩევნები, უეჭველად, გამოხატავენ ქართველი ხალხის ნებას", _ განაცხადა ფსაკიმ. მისივე თქმით, აშშ მხარს უჭერს ეუთოს დასკვნებს არჩევნებთან დაკავშირებით, რომელთა მიხედვითაც „არჩევნები ეფექტურად იყო ორგანიზებული და გამჭვირვალედ და კონსტრუქციულად ჩატარდა".
„ჩვენ ვაპირებთ ვიმუშავოთ საქართველოს არჩეულ პრეზიდენტთან, მთავრობასთან, პარლამენტთან და ქართველ ხალხთან, იმისათის რათა სტრატეგიული პარტნიორობა გავაგრძელოთ",_ განაცხადა აშშ სახელმწიფო დეპარტამენტის წარმომადგენელმა.
