ნატოს გენრალური მდივანი ანდერს ფოგ რასმუსენი საქართველოს მოსახლეობას წარმატებული საპრეზიდენტო არჩევნების ჩატარებას ულოცავს.
„ვულოცავ ქართველ ხალხს საპრეზიდენტო არჩევების გამჭვირვალედ და მშვიდობიანად ჩატარებას", -აცხადებს ნატოს გენერალური მდივანი ორგანიზაციის ვეგვერდზე გამოქვეყნებულ განცხადებაში.
რასმუსენი მიიჩნევს, რომ არჩევნები საქართველოში ჩატარდა გამოხატვის თავისუფლების დაცვით.
„ამ არჩევნებით საქართველომ დემოკრატიის კიდევ ერთი ტესტი ჩააბარა და გადადგა კონკრეტული ნაბიჯები ევროატლანტიკურ სტანდარტებთან დაახლოებისკენ", - აცხადებს რასმუსენი
ნატოს განმდივანმა მოუწოდა საქართველოს პოლიტიკურ ძალებს ერთად გააგრძელონ ბრძოლა ქვეყანაში რეფორმების გასატარებლად.
ნატოს განერალურმა მდივანმა არჩევნებში გამარჯვება მიულოცა „ქართული ოცნების" კანდიდატს გიორგი მარგველაშვილს და მასთან შემდგომი თანამშრომლობის სურვილი გამოხატა.
„საქართველო არის ნატოს ახლო და საიმედო პარტნიორი. ჩვენ გავაგრძელებთ მუშაობს ახალ პრეზიდენტთან და მის გუნდთან, რათა დავეხმაროთ საქართველოს ევროატლანტიკური ინტეგრაცის მიზნებსა და ნატოში გაწევრიანებში", - აცხადებს რასმუსენი.