რუსეთის ფედერაციის საზოგადოებრივი პალატა აცხადებს, რომ საპრეზიდენტო არჩევნებმა საქართველოში აშკარა დარღვევებისა და ფალსიფიკაციის გარეშე ჩაიარა. განცხადებას ამის შესახებ რუსეთის ფედერაციის საზოგადოებრივი პალატის პრესსამსახური ავრცელებს.
„არჩევნებს გამჭვირვალე ხასიათი ჰქონდა", _ მიიჩნევს საარჩევნო პროცესზე საზოგადოებრივი კონტროლის სამუშაო ჯგუფის თანათავმჯდომარე მაქსიმ გრიგორიევი.
მისივე თქმით, „მნიშვნელოვანწილად ნაკლები იყო დარღვევა და ტოტალური გაყალბება, რომლებსაც ადგილი ჰქონდა სააკაშვილის რეჟიმის დროს".
გრიგორიევი აცხადებს, რომ ეს დაკავშირებულია იმასთან, რომ „ქართული ოცნების" კანდიდატის პოზიცია მიხეილ სააკაშვილის კანდიდატთან შედარევით 40 % ით მაღალი იყო.
„შესაბამისად არსებულ ხელისუფლებას ფალსიფიკაციის არავითარი საფუძველი არ ჰქონდა", _ აცხადებს გრიგრიევი.
