,,რუსეთთან ურთიერთობაში კონსტრუქციულ ხედვა გვექნება", _განაცხადა ჟურნალისტებთან პრეზიდენტობის კანდიდატმა გიორგი მარგველაშვილმა, რომელიც პრემიერ ივანიშვილთან ერთად ჟურნალისტებს ხვდება.
,,რუსეთის ფედერაციასთან ჩვენ უაღრესად სწორი და მტკიცე გზა და ვექტორი დავსახეთ, რომელშიც სხვათა შორის, სირთულეებიც არის. იმ ფონზე როცა ჩვენს შორის დიპლომატიური ურთიერთობები არ არის მაინც გვაქვს წარმატება. თქვენ იცით რომ გვაქვს ზურაბ აბაშიძის მისია, რომელიც არის წარმატებული, როგორც ეკონომიკური თვალსაზრისით, ასევე ტემპერატურა, რომ ქვეყნებს შორის დაძაბულობის, უნდობლობის და მტრულად განწყობილი ფონი იყოს შექმნილი, ეს მისიასაც ემსახურება და ამ ფონს ქვემოთ წევს", _განაცხადა მარგველაშვილმა.
მისივე განმარტებით, რუსეთის მისამართით არ იქნება აგრესია და იქნება კონსტრუქციული ხედვა.
,,ჩვენ არ გვექნება რუსეთის მიმართ აგრესია, გვექნება კონსტრუქციული ხედვა, გაგრძელდება არაღიარების პოლიტიკა, მოხდება ლტოლვილების დაბრუნება და საქართველო არასდროს არ შეეგუება იმ უსამართლობას, რომელიც, სამწუხაროდ, ჩვენს ქვეყანაში განხორციელდა 2008 წელს", _განაცხადა მარგველაშვილმა.
