ბიძინა ივანიშვილი მის შემცვლელს სავარაუდოდ შაბათს, 2 ნოემბერს დაასახელებს. როგორც ჟურნალისტებთან ივანიშვილმა განმარტა ის პოლიტსაბჭოზე მის შემცვლელის კანდიდატურას პარასკევს, 1-ელ ნოემბერს განიხილავს.
,,პრემიერზე პატარა ცდომილება დავუშვი, როდესაც ვთქვი, რომ ორშაბათს, ან სამშაბათს დავასახელებ მეთქი. გამოვიდა ისე, რომ პარლამენტი ქუთაისში არის წასული და პრემიერის კანდიდატურა პოლიტსაბჭოს თუ არ შეუთანხმება უხერხულია იქნება ჟურნალისტებით რომ დავიწყო. პარასკევს საღამოს ჩამოდიან და მოვახერხებ საბჭოსთან განხილვას და არ გამოვრიცხოთ, რომ ჩემი ვარიანტი არ მიიღოს საბჭომ, თუმცა ამის ალბათობა ძალიან დაბალია, რადგან კარგი კანდიდატი მყავს შერჩეული. პარასკევს თუ შევთანხმდით და სავარაუდოდ შევთანხმდებით, შაბათს, ორ ან სამ საათზე გვქნება შეხვედრა უმრავლესობასთან და ამ შეხვედრის შემდეგ გამართულ ბრიფინგზე გაიგებს საზოგადოება მის ვინაობას. პრემიერ იქნება გასაგები, მისაღები ადამიანი ყველასთვის. რამდენად გავლენიანი იქნება, ამას დრო აჩვენებს", - აღნიშნა ივანიშვილმა.