გერმანიიდან მოწვეულმა პროფესორმა, ქალაქ უნას ევანგელისტური საავადმყოფოს ნევროლოგიის მთავარმა ნევროლოგმა - ზაზა ქაცარავამ „ჩემი ოჯახის კლინიკის" იმერეთის რეგიონალურ კლინიკურ საავადმყოფოში ორდღიანი კონფერენცია გამართა.
კონფერენცია მიმდინარეობდა თრომბოლიზური თერაპიის - ინსულტის მართვისა, თავის ტკივილისა და შაკიკის თემაზე.
კონფერენციას ესწრებოდნენ, როგორც იმერეთის რეგიონალურ კლინიკური საავადმყოფოს სამედიცინო პერსონალი, ასევე „ჩემი ოჯახის კლინიკის" ქსელში არსებული დასავლეთ საქართველოს ეროვნული ცენტრის ნევროლოგები, კატასტროფოს სამსახურის ექიმები და ქუთაისის სასწრაფო სამედიცინო დახმარების, 112-ის ექიმები.
კონფერენციის თემატიკიდან გამომდინარე საავადმყოფოში ქუთაისის ადგილობრივ მოსახლეობას უფასო ამბულატორიული გასინჟვებიც ჩაუტარდა.
აქციაში ჩართული პაციენტი ირინა სულაბერიძე მოხარული დარჩა, რომ მიეცა საშუალება მიეღო რეკომენდაციები წამყვანი სპეციალისტისგან ზაზა ქაცარავასგან.
„ძალიან მნიშვნელოვანია დღევანდელი დღე ჩემთვის, რადგან მაწუხებს შაკიკი, დღეს კი ჩავიტარე ამბულატორიული გასინჯვა და მივიღე რეკომენდაციები უძლიერესი სპეციალისტისგან. ვიმედოვნებ მსგავსი სახის აქცია კიდევ ჩატარდება იმერეთში" - განაცხადა ირინა სულაბერიძემ.