პრეზიდენტის რწმუნებულ/გუბერნატორი ქვემო ქართლის მხარეში დავით კირკიტაძე თანამდებობას ტოვებს.
როგორც კირკიტაძემ "ჯი-ეიჩ-ენთან" საუბრისას აღნიშნა, იგი გუნებრნატორის პოსტიდან გადადგომას ქვეყნის ახალი პრეზიდენტის ინაუგურაციამდე აპირებს.
ამასთან, კირკიტაძის თქმით, ჯერ-ჯერობით გადაწყვეტილი არ აქვს დარჩება თუ არა აქტიურ პოლიტიკაში და სამომავლო გეგმების შესახებ საუბარი უახლოეს დღეებში საქართველოს პრეზიდენტ მიხეილ სააკაშვილთან შეხვედრის შემდეგ შეეძლება.
ცნობისთის, გუშინ საქართველოში საპრეზიდენტო არჩევნები ჩატარდა. ეგზიტპოლების წინასწარი შედეგების მიხედვით, ქვეყნის პრეზიდენტი კოალიცია "ქართული ოცნების" საპრეზიდენტო კანდიდატი გიორგი მარგველაშვილი გახდება. წინასწარი მონაცემებით, მას მოსახლეობის 62%-ზე მეტი უჭერს მხარს. საქართველოს ახალი პრეზიდნტის ინაუგურაცია 17 ნოემბერს ჩატარდება.
