"ძალიან კარგად მახსოვს შარშანდელი არჩევნების პერიოდი, მახსოვს ჩემი გუნდის და ჩემი დაპირებები და ჩვენ გავაკეთთ ყველაფერი და ყველაზე სწრაფად, მეც რომ არ ველოდი იმაზე კარგად გამოგვივიდა,"- ამის შესახებ საქართველოს პრემიერ-მინისტრმა ბიძინა ივანიშვილმა ტელეკომპანია "კავკასიას" ეთერში ისაუბრა.
მთავრობის ხელმძღვანელის თქმით, მასთან გამართული 3 შეხვედრის დროს ვერც ერთმა ჟურნალისტმა და ექსპერტმა ვერც ერთი შეუსრულებელი დაპირება ვერ აჩვენა და ეს იმის მანიშნებელია, რომ გასული პერიოდის განმავლობაში საქართველოს მთავრობის მუშაობა მართლაც წარმატებული იყო.
"ამ სამ შეხვედრას ჰქონდა კიდევ ერთი დატვირთვა, ჩემი განცხადების შემდეგ, რომელშიც პოლიტიკიდან წასვლის შემდეგ საზოგადოებაში ჩემს ახალ ადგილზე განვმარტავდი, საზოგადოებაში გარკვეულწილად ვნებათაღელვა გამოიწვია და მეორე დატვირთვა, რაც ექსპერტებთან და ჟურნალისტებთან შეხვედრებს ჰქონდა, მდგომარეობდა იმაში, რომ მე მინდოდა მეჩვენებინა საზოგადოებისთვის, რომ მე არსად არ მივდივარ, მოვდივარ და გლობალურად საზოგადოებაში ძალიან ბევრია გასაკეთებელი. საზოგადოება არ არის მარტო მთავრობა და მარტო მთავრობიგან არ მოეთხოვება და მე როგორც შევძელი ვაჩვენე, რომ პრობლემებია იქაც. მედიაშიც პრობლემაა, ექსპერტებშიც პრობლემაა, სხვა ნაწილშიც პრობლემაა და ეს ციკლი გაგრძელდება. მე ეს გარკვეულწილად ვაჩვენე საზოგადოებას და ამით ვნებათარელვა გარკვეულწილად ჩავაქრე. არსადაც არ მივდივარ, მე მოვდივარ 20 წლიან ციკლში და სანამ მექნება ენერგია, უნდა ვემსახურო ჩემს ქვეყანას, ჩემს სამშობლოს და ჩვენ აუცილებლად უნდა ჩავდგეთ ევროპის ღირსეული ქვეყნების რიგში. ეს ორი დატვირთვა ჰქონდა ჩემს ბოლო სამ შეხვედრას, რომელიც ძალიან ხანგრძლივი იყო, საერთო ჯამში, 10 საათზე მეტი ხანი მოვითვალე როდესაც პროფესიონალ ექსპერტებს და ჟურნალისტებს ვესაუბრებოდი და მე ვფიქრობ, რომ ის ნაწილი, რომ ჩვენ ყველაფერი ღირსეულად შევასრულეთ, კარგად დავამტკიცე და ამავდროულად მეორე ნაწილშიც ვაჩვენე, რომ მე მივდივარ, რომ სხვა პრობლემებშიც მივიღო მონაწილეობა, რომელიც ჩვენს ქვეყანაში არსებობს,"- განაცხადა ბიძინა ივანიშვილმა.