პარლამენტის თავმჯდომარე დავით უსუფაშვილი საქართველოსთან დაკავშირებით ევროპარლამენტის მიერ მიღებულ დოკუმენტს პოზიტიურად აფასებს და მიიჩნევს, რომ 1 წლის განმავლობაში საქართველოში სერიოზული გარდაქმნები მოხდა, რაც ცასახად ასახულია აღნიშნულ დოკუმენტში.
"ევროპარლამენტი მიესალმება იმას, რომ ვილნიუსში მოხდება ასოცირებული ხელშეკრულების ხელმოწერა საქართველოსა და ევროკავშირს შორის და ევროკავშირი ეხმიანება იმ პრობლემებს, რომლებიც ვეყანაში არსებობს, ამ პრობლემებს ჩვენ 1 წელიწადში ვერ დავძლევდით. ერთ-ერთი მაგალითად ეს არის არჩევნების ჩატარება და აგერ, 3 დღეში დარწმუნდება ქართველი ხალხიც და ევროპაც, რომ მართლაც ამ ქვეყანაში უპრეცედენტოდ სამართლიანი და თავისუფალი არჩევნები ტარდება,"- განაცხადა დავით უსუფაშვილმა.
რაც შეეხება ზოგადად, კანონის უზენაესობის დამკვიდრებას ან ამათუიმ კონკრეტული წინასწარ პატიმრობაში მყოფი პირისადმი მოპყრობის ევროპულ სტანდარტებს, საქართველოს პარლამნტის თავმჯდომარის თქმით,
აღნიშნულთან დაკავშირებით პროცესები ქვეყანაში სწორად განვითარდა, რადგან ევროპა შოკირებულია იმითი, რაც გაიგო თუ რა ხდებოდა საქართველოში 9 წლის განმავლობაში.
"ევროპა შოკირებულია იმ სიმართლით, რაც გახდა მათთვის ცნობილი, თუ რა ხდებოდა ამ ქვეყანაში ჯერ კიდევ შარშან სამართალდამცავ სისტემაში, სასამართლო სისტემაში, ციხეებში და ამიტომ დღესაც და მე დარწმუნებული ვარ, რომ კიდევ დიდი ხანი ამ თემაზე მათი მხრიდან იქნება ყურადღება,"- აღნიშნა უსუფაშვილმა.