27 ოქტომბრის არჩევნების მიმართ მაღალი საზოგადოებრივი ინტერესიდან გამომდინარე, ,,ერთიანი ნაციონალური მოძრაობის" დაკვეთით ამერიკულმა ვლევითმა კომპანიამ „გრინბერგ, ქუინლან, როზნერ რისერჩმა" (Greenberg, Quinlan, Rosner Research) ჩაატარა საზოგადოებრივი აზრის კვლევა.
ინტერვიუები ჩატარდა 2013 წლის 5-11 ოქტომბერს, საქართველოს მთელ ტერიტორიაზე (ოკუპირებულიტერიტორიებს გარდა) და მოიცავდა 1,477 პირისპირ ინტერვიუს. კვლევის ცდომილების ხარისხი შეადგენს +/-2-3 პროცენტს.
,,ნაციონალური მოძრაობის" ინფორმაციით, არჩევნებში გამარჯვებულის გამოსავლენად მაღალი ალბათობით აუცილებელი იქნება მეორე ტური.
მეორე ტურის გამართვის შემთხვევაში მასში მონაწილეობს სამთავრობო კოალიციის კანდიდატთან გიორგი მარგველაშვილთან (მას არჩევნებში მონაწილეთა 48% აძლევს ხმას) ერთად "ერთიანი ნაციონალური მოძრაობის" პოლიტიკური საბჭოს თავჯდომარე დავით ბაქრაძე (23%).
აღსანიშნავია, რომ გამოკითხულთა, თითქმის მეხუთედი (18%) არ აფიქსირებს თავის არჩევანს.