რუსეთის ფედერაციის სანიტარული ზედამხედველობის სამსახურის ყოფილი ხელმძღვანელი გენადი ონიშჩენკო რუსეთის პრემიერ-მინისტრის დიმიტრი მედვედევის მრჩევლად დაინიშნა.
რუსული მედიის ინფორმაციით, ონიშჩენკო რუსეთის პრემიერ-მინისტრის ადმინისტრაციაში მუშაობას უახლოეს დღეებში შეუდგება.
"როსპოდნებნადზორის" ხელმძღვანელის პოსტიდან ონიშჩენკოს გათავისუფლების თაობაზე ინფორმაცია რუსეთის ვიცე-პრემიერმა ოლგა გოლოდეცმა გაავრცელა.
„გენადი გრიგორის ძეს გაუვიდა უფლებამოსილების ვადა „როსპოტრებნადზორის" ხელმძღვანელის თანმდებობაზე, რის საფუძველზეც ის ტოვებს დაკავებულ თანმდებობას. მის მოვალეობას, ამიერიდან, მისი მოადგილე ანა პოპოვა შეასრულებს",-განაცხადა ოლგა გოლოდეცმა.
