შს მინისტრმა ირაკლი ღარიბაშვილმა ყველა პოლიტიკური ძალის წარმომადგენელს მოუწოდა 27 ოქტომბერს თავი შეიკავონ ნებისმიერი პროვოკაციისგან. როგორც ღარიბაშვილმა რუსთავში სტუმრობისას განაცხადა შსს ნებისმიერი პროვოკაციას დროულად აღკვეთავს.
,,მინდა მივმართო ყველა პოლიტიკურ ძალას და მათ წარმომადგენლებს, თავი შეიკავონ ნებისმიერი პროვოკაციისგან, ჩვენ ვიქნებით მობილიზებული იმისათვის, რომ აღვკვეთოთ ადგილზე ნებისმიერი პროვოკაცია და არ დავუშვათ რაიმე ტიპის ექსცესები", _განაცხადა ღარიბაშვილმა, რომელმაც საპატრულო პოლიციის თანამშრომლებს არჩევნებში მონაწილეობისკენ მოუწოდა.
"არჩევნებში მონაწილეობა არის უაღრესად მნიშვნელოვანი, თითოეული თქვენი ხმა არის უაღრესად მნიშვნელოვანი, ვინაიდან ეს არის თქვენი კონსტიტუციური უფლება, ამიტომ მე მოგმართავთ თხოვნით და მოგიწოდებთ, რომ თითოეულმა თქვენგანმა მიიღოს მონაწილეობა არჩევნებში. და რაც მთავარია, კიდევ ერთხელ მინდა, ხაზგასმით აღვნიშნო, რომ დღეს საქართველოში ტარდება პირველად თავისუფალი და ღია არჩევნები, მართლაც ევროპული სტანდარტების არჩევნები, რომელსაც აღიარებენ ევროპული სახელმწიფოების ლიდერები", - განაცხადა შინაგან საქმეთა მინისტრმა.