ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი სასტუმრო „ქორთიარდ მარიოტში" საქართველოსა და სომხეთის ღია საზოგადოების ფონდების მიერ წარმოდგინილი მონიტორინგის ანგარიშის პრეზენტაციას დაესწრო.
ანგარიშში შეფასებულია ბოლო წლის მანძილზე ევროკავშირთან დაახლოების კუთხით გადადგმული ნაბიჯები და გამოწვევები.ყურადღება გამახვილებულია „აღმოსავლეთ პარტნიორობის საგზაო რუკით" გათვალისწინებული ვალდებულებების შესრულებაზე საქართველოსა და სომხეთში.
„აღმოსავლეთ პარტნიორობის საგზაო რუკა" საქართველომ და სომხეთმა 2012 წლის მაისში მიიღეს და მოიცავს იმ რეფორმებს, რომელიც ორივე ქვეყნის მთავრობამ უნდა განახორციელოს 2013 წლის 28-29 ნოემბერს ვილნიუსში დაგეგმილ აღმოსავლეთ პარტნიორობის სამიტამდე.