საპარლამენტო უმრავლესობის ლიდერმა და PABSEC-ის ვიცე პრეზიდენტმა დავით საგანელიძემ თურქეთის დედაქალაქ სტამბოლში "PABSEC"-ის („შავი ზღვის ქვეყნების ეკონომიკური თანამშრომლობის საპარლამენტო ასამბლეა) და „BSEC"-ის („შავი ზღვის ეკონომიკური თანამშრომლობის ორგანიზაცია") მუდმივმოქმედ კომიტეტებს შორის გამართულ ერთობლივ შეხვედრაში მიიღო მონაწილეობა.
შეხვედრაზე დავით საგანელიძე კომიტეტის წევრების წინაშე ძირითადი მოხსენებითი სიტყვით წარსდგა, სადაც „PABSEC"-სა და „BSEC"-ს შორის კოორდინირებული და ეფექტური მუშაობის მნიშვნელობას გაუსვა ხაზი, მას ასევე ისაუბრა იმ პრობლემებზე, რომელიც ორი ორგანიზაციის ურთიერთობებში არსებობს და მათი გადაწყვეტის კონკრეტული გზები დასახა.
საგანელიძემ აღნიშნა, რომ აუცილებელია ამ ორგანიზაციებს შორის უფრო მჭიდრო და ღრმა თანამშრომლობის ჩამოყალიბება, ურთიერთშეთანხმებული პროექტების მომზადება, რასაც ასამბლეის არჩეული ვიცე-პრეზიდენტის პოსტზე ყოფნის პერიოდში მაქსიმალურად შეუწყობს ხელს.
„„PABSEC"-ს უკვე 20 წლის განმავლობაში აერთიანებს შავი ზღვის ქვეყნების (12 ქვეყანა) პარლამენტების წარმომადგენლებს, ასამბლეამ არაერთი მნიშვნელოვანი პროექტი შეიმუშავა, რომელიც აისახა ჩვენი მოქალაქეების ყოველდღიურ ცხოვრებაზე. დღეს ჩვენ ერთად უნდა შევაფასოთ ის პროგრესი, რომელიც მივიღეთ 20 წლის მანძილზე, მაგრამ იმავდროულად უნდა აღმოვაჩინოთ ხარვეზები და „PABSEC"-ის როგორც საკანონმდებლო ორგანოს და "BSEC"-ის როგორც აღმასრულებელი ხელისუფლებისა ერთობლივი ძალისხმევით უნდა დავსახოთ ჩვენი საერთო მიზნები, როგორც ადგილობრივ, ასევე რეგიონალურ განზომილებაში. ასევე ძალზედ მნიშვნელოვანია დავსახოთ ჩვენს პარტნიორ ორგანიზაციებთან. შავი ზღვის ვაჭრობისა და განვითარების ბანკთან და შავი ზღვის კვლევის საერთაშორისო ცენტრთან თანამშრომლობის ფორმები "-განაცხადა დავით საგანელიძემ.
აღნიშნულ შეხვედრას 12 ქვეყნის საპარლამენტო და სამთავრობო დელეგაციები და საერთაშორისო ორგანიზაციების წარმომადგენლები ესწრებოდნენ.
შეგახსენებთ, რომ მიმდინარე წლის დეკემბერში "PABSEC"-ის გენერალური ასამბლეას თბილისი უმასპინძლებს, როგორც ამჟმად ამ ორგანიზაციის თავმჯდომარე ქვეყანა.