საქართველოს საგარეო საქმეთა მინისტრის მაია ფანჯიკიძეის განცხადებით, სოჭის ოლიმპიურ თამაშებში ქართველი სპორტსმენების მონაწილეობის საკითხთან დაკავშირებით მთავრობამ და პრემიერ-მინისტრმა არაერთი ამომწურავი განცხადება გააკეთეს.
მინისტრის თქმით, ოლიმპიადამდე ჯერ კიდევ რამდენიმე თვეა დარჩენილი და მასში საქართველოს მონაწილეობის საკითხი მოვლენათა შემდგომ განვითარებაზეა დამოკიდებული, თუმცა ამ ეტაპზე მხოლოდ მეჩირაღდნის ფაქტის გამო, არ არის აუცილებლობა რომ ოლიმპიადასთან დაკავშირებით განწყობა რადიკალურად შეიცვალოს.
"თემაზე მთავრობამ გააკეთა ძალიან ამომწურავი განცხადება, სადაც მკვეთრად არის ნათქვამი და გარდა ამისა, პრემიერმაც გააკეთა რამდენიმე განცხადება, რომ ჩვენ შევატყობთ, რომ სოჭის ოლიმპიადაზე რაიმე ჩვენთვის შეურაცხმყოფელი ხდება და არ არის ყველაფერი ისე, როგორც ჩვენ წარმოგვიდგენია, რასაკვირველია, ჯერ-ჯერობით 3 თვეა დარჩენილი იქამდე და არაფერი გამორიცხული არაა, მაგრამ ამ ეტაპზე მე პირადად მხოლოდ იმ ერთი ფაქტის გამო, რომელზედაც იყო ლაპარაკი, ვერ ვხედავ აუცილებლობას, რომ რადიკალურად შეიცვალოს განწყობა,"- განაცხადა მაია ფანჯიკიძემ.
