საქართველოს პრეზიდენტის არჩევნებზე დასაკვირვებლად რეგისტრაცია 57-მა ადგილობრივმა ორგანიზაციამ გაიარა. ამის შესახებ ინფორმაცია, ცესკოს ვებგვერდზეა განთავსებული.
ცენტრალური საარჩევნო კომისიის ინფორმაციით, ადგილობრივი ორგანიზაციების რეგისტრაციის ვადა უკვე ამოიწურა, საერთაშორისო ორგანიზაციებს კი ცესკო-ში რეგისტრაციის გავლა 20 ოქტომბრის ჩათვლით შეუძლიათ.
ასევე ცნობილია, რომ ამ დროისთვის არჩევნებზე დასაკვირვებლად, ცესკო-ში 55 საერთაშორისო ორგანიზაცია დარეგისტრირდა.
ცნობილია, რომ ცენტრალურ საარჩევნო კომისიაში რეგისტრაცია უკვე 92-მა მედიასაშუალებამ გაიარა. მათი რეგისტრაციის ვადა 24 ოქტომბერს იწურება.
