საქართველოს პრეზიდენტი მიხეილ სააკაშვილი დღეს თურეთში, ბორჩხის რაიონის სოფელ თარაქლიში მცხოვრებ ქართველებს შეხვდა და მათ საქართველოს მოქალაქეობის დამაადასტურებელი დოკუმენტრები გადასცა.
ქვეყნის პირველი პირი ადგილობრივებს გაესაუბრა და მათ მიერ მოწყობილი ტრადიციული ქართული მეურნეობები დაათვალიერა.
პრეზიდენტმა თურქეთის ტერიტორიაზე მცხოვრები ქართველებისთვის სკოლებში მშობლიური ენის სწავლების საკითხის მნიშვნელობაზე ისაუბრა და აღნიშნა, რომ საქართველოს მთავრობამ თურქეთის მთავრობასთან უპრეცედენტო შეთანხმებას მიაღწია - თურქეთის ტერიტორიაზე არსებულ ყველა სკოლაში, სადაც მინიმუმ 10 ქართველი სწავლობს, ქართულ ენაზე შედგენილი სასწავლო პროგრამის დანერგვა გახდა ნებადართული.
"ჩევნ მივაღწიეთ თურქეთის მთავრობასთან იმას, რომ თურქეთის მთავრობამ თქვა, რომ ყველა სკოლაში, სადაც 10 ბავშვი მაინც არის ქართველი, განათლება მიღებული იქნება ქართულად. ეს არის იმხელა ისტორიული გარღვევა საქართველოსთვის, რომ ძნელი წარმოსადგენია. ამის შესახებ გადაწყვეტილება მიღებული იქნა შარშან, წელს ამის შესახებ ჩვენმა სათვისტომომ განათლების სამინისტროს სთხოვა, რომ იქნებ პროგრამა გაეკეთებინათ და საქართველოს განათლების სამინისტრომ წელს ვერ გაუკეთა პროგრამა. საქართველოს განათლების სამინისტროს თავმოუბმელობის გამო, 100 000-ობით ჩვენმა ბავშვმა თურეთში, 1 წელი დაკარგა, რომ ესწავლა ქართული. ამაზე უფრო მნიშვნელოვან საქმეს რას აკეთებენ, მართლა მაინტერესებს. ეს ხომ არის საქართველოსთვის ისტორიული შანსი, ფანჯარა, რომ ყველა ჩვენმა თანამემამულემ ბავშვობიდანვე იცოდეს ქართული?! ეს ასევე 1 000-ობით ქართველი მასწავლებლის დასაქმების საშუალებაა,"- განაცხადა მიხეილ სააკაშვილმა.