პრემიერ ბიძინა ივანიშვილის განაცხადებით საქართველოს პროკურატურამ უნდა მოხერხოს საკუთარი ავტორიტეტისა და სანდოობის ამაღლება. როგორც ივანიშვილმა ,,რადისონში" პროკურატურის სამომავლო გეგმების და ძირითადი პრიორიტეტების შესახებ პრეზენტაციაზე განაცხადა პროკურატურა დღეს გაცილებით დამოუკიდებელია, ვიდრე წინა ხელისუფლების დროს იყო.
,,პროკურატურა დღეს გაცილებით დამოუკიდებელია, ვიდრე წინა ხელისუფლების დროს. კარგად ვიცით, როგორი მძიმე წარსული დაგვხვდა. გასაგებია, რომ დღეს მკაცრი მოთხოვნებია პროკურატურის მიმართ. რა თქმა უნდა, უნდა მოხდეს თანამშრომლების შეცვლა, მაგრამ ეს არ არის იმდენად მნიშვნელოვანი, რამდენადაც ის, რომ პროკურატურის ხელმძღვანელებმა დამოკიდებულება შეიცვალონ", - განაცხადა ბიძინა ივანიშვილმა და აღნიშნა, რომ პროკურატურა მხოლოდ და მხოლოდ ხალხს უნდა ემსახუროს.