ქვეყნის პირველი პირის თქმით, დღესავით ნათელია რაც მოხდა, საქართველოში მისი მთავრობის დროს იყო ბევრი ხარვეზები, ნაკლოვანებები, ზოგჯერ თავში ავარდნები და გადაცდომებიც, მაგრამ ეს იყო მთავრობა, რომელიც აშენებდა და დღე და ღამე საქმეს აკეთებდა.

"ამის მაგალითი ქუთაისის პარლამენტია, მერე მოვიდა მთავრობა, რომლის მაგალითიც ქუთაისის პარლამენტის შენობის გარშემო არსებული ძროხების საძოვარი. დაყრილი ნაგავი და გავერანებული გარემოა. იყო მშენებლების და მკეთებლების მთავრობა და არის მთავრობა გამჩერებლების, დამპაუზებლების და თვალს ადგამენ კიდევ რომელი პროექტი შეაჩერონ,"- განაცხადა მიხეილ სააკაშვილმა.

პრეზიდენტის თქმით, როცა მდინარე კალაპოტიდან გადმოდის, მიდგება, მოდგება, მიანგრევს, მოანგრევს რაღაცას, მერე ისევ დგება კალაპოტში და საქართველოც სწორედ ამ მდგომარეობაშია, მაგრამ როდესაც მოვლენები დალაგდება, საზოგადოებას ეს ყველაფერი მოეჩვენება როგორც კოშმარული სიზმარი,

"ეს არის ის, რასაც ალბათ ყველა ხედავს და იმედია, მომავალში ძალიან ნათლად დაინახავს და არ თქვას ვინმემ, რომ ამაზე არ გავაფრთხილე. ჩემი აზრით, ვინც რა არ უნდა ილაპარაკოს და ზემოდან ქვემოთ ელაპარაკოს თავის ხალხს იმ პირობებში, როდესაც კონსტიტუციას არ იცნობენ, ერთი რამე სრულიად ნათელია - როცა კალაპოტიდან გადმოდის მდინარე, მიდგება, მოდგება, მიანგრევს, მოანგრევს რაღაცას და მერე ისევ დგება კალაპოტში. დარწმუნებული ვარ, რომ საქართველოს განვითარება დაუბრუნდება ისევ ამ კალაპოტს. დარწმუნებული ვარ, რომ ეს გაუგებრობა რბილად რომ ვთქვა, არ შეიძლება დიდ ხანს გაგრძელდეს, რადგან 21-ე საუკუნეში ვცხოვრობთ. ხალხმა ბევრი რაღაც გაიგო, გამოიხედა, გაერკვა და შედარების უნარი აქვს. ამიტომ, ვფიქრობ, რომ საბოლოო ჯამში ყველაფერი დაჯდება თავის ადგილზე, კალაპოტს დაუბრუნდება მიდნარე, საქართველო გააგრძელებს განვითარებას, სწორი მიმართულებით სვლას და ეს ყველაფერი მოგვეჩვენება როგორც კოშმარული სიზმარი,"- აღნიშნა მიხეილ სააკაშვილმა.