"პრემიერს როგორც ჩანს, ძალიან ცოტა წიგნი აქვს წაკითხული და მათ შორის საქართველოს კონსტირუცია საერთოდ არ შედის და ამ,ის დემონსტრირებას ყოველ ჯერზე აკეთებს,"- ამის შესახებ საქართველოს პრეზიდენტმა მიხეილ სააკაშვილმა პრემიერ-მინისტრის ბიძინა ივანიშვილის იმ განცხადების კომენტირებისას ისაუბრა, რომლის თანახმად, საქართველოს მთავრობის ხელმძღვანელმა საპრეზიდენტო არჩევნების მეორე ტურის დანიშვნის შემთხვევაში, მმართველი კოალიციის საპრეზიდენტო კანდიდატს კენჭისყრაში მონაწილეობის მიღებაზე უარის თქმა ურჩია.
"პრემიერს არ ეცალა წიგნების საკითხავად, ეტყობა ფულის კეთება უფრო მნიშვნელოვანი იყო მისთვის. მაგრამ ამას რომ თავი დავანებოთ, კონსტიტუცია უნდა წაეკითხა მაინც, მიუხედავად იმისა, რამდენი ფული აქვს საბანკო ანგარიშზე,"- განაცხადა მიხეილ სააკაშვილმა.
შეგახსენებთ, რომ საქართველოს პრემიერ-მინისტრმა ბიძინა ივანიშვილმა მისი პოლიტიკური კოალიციის საპრეზიდენტო კანდიდატს გიორგი მარგველაშვილს არჩევნების მეორე ტურში მონაწილეობისგან თავის შეკავება ურჩია. ივანიშვილის აღნიშნულ განცხადებას გიორგი მარგველაშვილი გამოეხმაურა და განაცხადა, რომ საპრეზიდენტო არჩევნების მეორე ტურის დანიშვნის შემთხვევაში, კენჭისყრაში მონაწილეობის აზრს ვერ ხედავს.