"დღეს მაინც არ სცვენია იმ ხალხს, ვინც 1 წლის წინ იძახდა, რომ ლიტრი ბენზინიდან 1 ლარი ჯიბეში მიმქონდა?!,"- ამის შესახებ საქართველოს პრეზიდენტმა მიხეილ სააკაშვილმა ჟურნალისტებთან საუბრისას განაცხადა.
ქვეყნის პირველი პირის თქმით, საქართველოში იყო ყველაზე არაკორუმპირებული მთავრობა მთელს ევროპაში და ყოფილი ხელისუფლების ოპონენტების მიერ გაკეთებული განცხადებები არ დადასტურდა.
"დაიწყეს იმიდან, რომ 19 მილიარდი მქონდა სადღაც, 1 ლარი მიმქონდა ბენზინიდან. არ სცხვენია იმ ხალხს, ვინც ლაპარაკობდა, რომ თურმე ქუთაისში ბარკლების ბიზნესიდან წილი მიმქონდა, ბენზინის 1 ლარი რომ ჯიბეში მიმქონდა. დღეს მაინც არ სცხვენია იმ ხალხს, ვინც ამას ლაპარაკობდა 1 წლის წინ?! ბოლოს დაიწყეს, 19 მილიარდიდან 2 მილიარდამდე, 500 მილიონამდე, 100 მილიონამდე ჩამოვიდნენ და ახლა გამწარებული იძიებენ სკამები როგორ იყიდეს პრეზიდენტის ადმინისტრაციაში. ეს არის მათი დონე,"- განაცხადა მიხეილ სააკაშვილმა.