"მე არ ვაპირებ ზოოპარკის დირექტორის დონის განცხადებაზე კომენტარის კეთებას,"- ამის შესახებ საქართველოს პრეზიდენტმა მიხეილ სააკაშვილმა პრემიერ-მინისტრის მიერ გაკეთებული იმ განცხადების კომენტირებისას ისაუბრა, რომლის თანახმად, შესაძლოა მიხეილ სააკაშვილის პასუხისმგებლობის საკითხი დადგეს, თუმცა ივანიშვილს არ სურს მისი ქვეყნის პრეზიდენტი ციხეში იხილოს.
"მე ვფიქრობ, ძალიან ნათელი არის რაზეცა არის საუბარი. ვლადიმერ პუტინის დავალებაა, ამაში გადახდილია ორი მილიარდი. ჩვენ ეს ძალიან კარგად ვიცით. ორი მილიარდი რომა არის გადახდილი, ამას არავინ უარყოფს. პუტინის დავალება რომაა, ამას პუტინი ყვება ტელევიზიით და მედვედევი. ქართველი ხალხი თუ ამას დაუშვებს. მე ვფიქრობ, რომ საქართველო არ არის ის ქვეყანა, რომელიც 21-ე ქვეყანაში უნდა ასრულებდეს რომელიმე დამპყრობლის ყველაზე ბინძურ დაკვეთებს,"- განაცხადა მიხეილ სააკაშვილმა.
"აბსოლუტურად არ მაქვს სურვილი ვინმე გავანადგურო და სააკაშვილი, ჩემი ქვეყნის პრეზიდენტი ციხეში მოხვდეს,"- ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას ისაუბრა.
პრემიერ-მინისტრის თქმით, საზოგადოებას გარანტია ექნება, რომ ისეთ სასამართლოს და პროკურატურას მიიღებს, სადაც ყველა დამნაშავეს მოეთხოვება პასუხი.
"არ მინდა პარალელები გავავლო ვინმესთან. ჩვენ ვცდილობთ სამართლიანი სასამართლოს მიღებას. ამის საუძველს ვქმნით. დანარჩენი ბრძნული სიტყვები გამოძიებამ და სასამართლომ დაადგინოს,"- განაცხადა ბიძინა ივანიშვილმა.